Abbaan Taayitaa Bishaan, Inarjii fi Petirooliyeemii buufataalee boba'aa irratti dambii haarawa baase

Abbaan Taayitaa Petirooliyeemii fi Inarjii Federaalaa, buufataaleen boba'aa dhiyeessitoota isaanii jijjiirrachuuf, dhiyeessitoota isaanii duraanii irraa hayyama waliigaltee (clearance) argachuu akka qaban ajajee jira. Qajeelfamni kun sadarkaa biyyaalessatti dhiyeessitoota boba'aa fi buufataalee gidduutti waliigaltee kabachiisuuf kan bahe dha.

Abbaan taayitaichaa, buufataaleen boba'aa dhiyeessitoota isaanii irratti dhiibbaa fi rakkoo dhiyeessii boba'aa yoo jiraate ragaa qabatamaa dhiyeessuu akka qaban ibseera. Buufataaleen waliigaltee isaanii osoo hin xumurin jijjiirraa gochuu akka hin dandeenye kan ibse yoo ta'u, kunis waliigaltee fi seera daldalaa boba'aa akka kabajamu taasisuuf kan kaayyeffate dha.