ዳሽን ባንክ የትርፍ ምጣኔውን በከፍተኛ ደረጃ ማሳደጉን አስታወቀ

የዳሽን ባንክ የ2025/26 በጀት ዓመት አፈጻጸም እንደሚያሳየው፣ ከታክስ በፊት የነበረው ትርፍ በ127.6 በመቶ በማደግ ወደ 15.2 ቢሊዮን ብር ከፍ ብሏል። ጠቅላላ ገቢው በ49.2 በመቶ ጨምሮ 46.9 ቢሊዮን ብር ሲደርስ፣ አጠቃላይ ንብረቱ 350 ቢሊዮን ብር ሆኗል። የደንበኞች ተቀማጭ ገንዘብ በ36.9 በመቶ አድጎ 280 ቢሊዮን ብር ደርሷል። የባንኩ የዳሽን ሱፐር አፕ ከ309 ቢሊዮን ብር በላይ የሆኑ ግብይቶችን በማስተናገድ ለዲጂታል አገልግሎት መስፋፋት ትልቅ ድርሻ ነበረው። በሌላ በኩል ባንኩ በበጀት ዓመቱ 1.4 ቢሊዮን የአሜሪካ ዶላር የውጭ ምንዛሬ ማሰባሰቡን አስታውቋል። የባንኩ የደንበኞች ቁጥርም ከ9 ሚሊዮን በላይ ደርሷል።