Saamtonni Galaanaa Sumaalee Deebisanii Qabamuun Dura Hojjattoota Doonii Zayitaa Ajjeesan

Doonii zayitaa baattu kan saamtoota galaanaatiin qabamtate irraa hojjattoonni shan meeshaa waraanaatiin ajjeefamuusaanii qondaalti olaanaan naannichaa BBCtti himeera. Hojjattoonni kun kan ajjeefaman humnoonni nageenyaa naannichaa doonichaa deebisanii to'achuusaaniitiin dura ta'uu ibsameera. Deetaa Ministira Odeeffannoo Puuntlaand Biile Qabowsadee akka jedhanitti, ajjeechaan kun kan raawwatame saamtoota galaanaatiin doonii MT Hoarner 25 jedhamu irrattidha. Humnoonni naannichaa doonicha irra ba'anii to'annoo jala oolchuusaaniitiin dura saamtonni kun namoota kanneen ajjeesaniiru. Obbo Biileen akka jedhanitti, dooniin kun erga saamtootaan qabamtamee booda humnoonni nageenyaa tarkaanfii fudhataniiru. Loola fi tarkaanfii kanaanis doonichi deebi'ee kan to'atame yoo ta'u, miidhaan doonicha fi qabeenya irra ga'e adda bafeera.