ኬንያ ለዝቅተኛ ገቢ ተቀጣሪዎች የግብር ቅናሽ ለማድረግ አቀደች

የኬንያ መንግስት አነስተኛ ገቢ ላላቸው ተቀጣሪዎች የግብር ቅናሽ ለማድረግ የሚያስችል ረቂቅ ህግ አዘጋጅቷል። ፕሬዝዳንት ዊሊያም ሩቶ እንዳስታወቁት፣ ይህ እርምጃ የተወሰደው የኑሮ ውድነት በተለይም የምግብ እና የትራንስፖርት ወጪ በዝቅተኛ ገቢ ላይ ባሉ ዜጎች ላይ እያሳደረ ያለውን ጫና ለመቀነስ ነው። ከ245 ዶላር በታች ገቢ የሚያገኙ ተቀጣሪዎች በዚህ እቅድ ተጠቃሚ ይሆናሉ።

ከዚህ በተጨማሪም መንግስት ንብረት ማፍራትን ለማበረታታት ዓላማ ባለው መልኩ የንብረት ግብር ቅናሽ ለማድረግ አቅዷል። በተለይም እስከ 7,700 ዶላር የሚገመት ንብረት በስም ዝውውር ሲያደርጉ ከግብር ነጻ እንዲሆኑ ይደረጋል። እንዲሁም የዲጂታል ስራዎችን ለማፋጠን ከውጭ የሚገቡ የሞባይል ስልኮች ላይ የ25 በመቶ ቀረጥ ቅናሽ እንደሚደረግም ታውቋል።