የተባበሩት መንግሥታት በሶማሊያ የነበረውን የፖለቲካ ተልዕኮ ሊያጠናቅቅ ነው

የተባበሩት መንግሥታት ድርጅት በሶማሊያ ለሦስት አስርት ዓመታት የቆየውን የፖለቲካ ተልዕኮ በጥቅምት ወር 2019 ዓ.ም. ሙሉ በሙሉ እንደሚያጠናቅቅ ተገለጸ። ይህ ውሳኔ የተላለፈው የሶማሊያ ፌዴራላዊ መንግሥት የመንግሥት ግንባታና የአገሪቱን አስተዳደር ኃላፊነት ሙሉ ለሙሉ ለመረከብ ባቀረበው ጥያቄ መሠረት ነው። ባለፉት ሁለት ዓመታት ተልዕኮው ኃላፊነቶቹን ለሶማሊያ ብሔራዊ ተቋማትና ለተባበሩት መንግሥታት የልማት ኤጀንሲዎች ሲያስረክብ መቆየቱ ታውቋል። ይህ እርምጃ የተባበሩት መንግሥታት የጸጥታው ምክር ቤት ባሳለፈው ውሳኔ መሠረት እየተከናወነ ነው።