Baankiin Dashen qabeenyi isaa waliigalaa biiliyoona 350 ga’uu beeksise

Baankiin Dashen walgahii waggaa qooda fudhattootaa isaaratti qabeenyi isaa waliigalaa biiliyoona 350 ga’uu beeksiseera. Baankichi waggaa bajataa kanaan dursee gibira kaffaluun dura bu’aa biiliyoona 15.2 fi galii waliigalaa biiliyoona 47 galmeessisuu ibseera.

Kana malees, kuufamni maallaqaa maamilootaa biiliyoona 280 fi liqii kennames biiliyoona 165.4 ta’uu ibsameera. Pireezidaantiin boordii baankichaa obbo Dulaa Makonnin akka ibsanitti, baankichi sharafa biyya alaa biiliyoona 1.4 ol argachuu fi appiin 'Dashen Super App' daldala biiliyoona 309 ol ta’u raawwachuu isaa beeksisaniiru.