ኢግልላየን 'ኤርፔይ' የተሰኘ አዲስ የዲጂታል ክፍያ ቴክኖሎጂ ይፋ አደረገ

የፋይናንስ ቴክኖሎጂ ኩባንያ የሆነው ኢግልላየን ሲስተም ቴክኖሎጂ፣ ከኢትዮጵያ የአእምሮ ንብረት ባለሥልጣን የፓተንት መብት ያገኘለትን 'ኤርፔይ' የተሰኘ አዲስ የዲጂታል ክፍያ ቴክኖሎጂ ይፋ አድርጓል። ኩባንያው እንደገለጸው፣ ይህ ቴክኖሎጂ በኢትዮጵያ ብቻ ሳይሆን በዓለም አቀፍ ደረጃ አዲስ የክፍያ አሠራርን የሚፈጥር ነው። ተጠቃሚዎች የባንክ ሂሳብ ቁጥር ሳያስገቡ ወይም የQR ኮድ ሳይቃኙ በቀላሉ የገንዘብ ግብይት እንዲፈጽሙ ያስችላል። ይህም አሁን በገበያ ላይ ካሉ የክፍያ አማራጮች በተለየ አዲስ የፈጠራ ስራ መሆኑን ኩባንያው አመልክቷል።