Qorannoon buufata anniisaa qilleensaa Godee, Arartii, Meegaa fi Dabre Birhanitti ijaaruuf dhiyaate

Itoophiyaan waggoota 10 dhufan keessatti lammiilee hundaaf tajaajila elektirikii gahuuf karoorashee baastee hordofee, qorannoon buufata anniisaa qilleensaa ijaaruuf gargaaru ifa ta'eera. Qorannoo kanaan naannoo Somaalee keessatti Godee, naannoo Amaaraa keessatti Arartii fi Dabre Birhan, akkasumas naannoo Oromiyaa keessatti Meegaa iddoowwan mijatoo ta'uun isaanii adda ba'eera. Itoophiyaan yeroo ammaa elektirikii fayyadamtu keessaa dhibbeentaa 94 kan argattu anniisaa bishaanii irraayi, kanaafis madda anniisaa biroo babal'isuun akka barbaachisu ibsameera. Karoora kana guutummaatti raawwachuuf qarshii biiliyoona 18 akka barbaachisu tilmaamameera.