በአርሲ የተፈፀመውን ግድያ አስመልክቶ በማኅበረ ቅዱሳን እና በሌሎች ወገኖች ተቃውሞ ቀረበ

ማኅበረ ቅዱሳን በኦሮሚያ ክልል አርሲ በቅርቡ ለተፈፀመው የ60 ምዕመናን ግድያ ፍትሕና ተጠያቂነት እንዲሰፍን ጠየቀ። ማኅበሩ የፌዴራል መንግሥት እና የመንግሥት መገናኛ ብዙኃን ጉዳዩን ችላ በማለታቸው አጥብቆ አውግዟል። የኢትዮጵያ ኦርቶዶክስ ተዋሕዶ ቤተክርስቲያን በኦሮሚያ በተደጋጋሚ ስለሚፈፀሙ ጥቃቶች እና ስለተፈናቃዮች ሰብአዊ መብት ጥበቃ አሳሳቢነት ገልጻለች። የሰብአዊ መብት ተሟጋቹ ያሬድ ኃይለማርያም፣ መንግሥት ለእንዲህ ያሉ ግድያዎች ትኩረት አለመስጠቱ ዜጎች በመንግሥት ላይ ተስፋ እንዲቆርጡ እና ወደ ኃይል አማራጮች እንዲገፉ ሊያደርግ እንደሚችል አስጠንቅቀዋል። በአንጻሩ የፌዴራል መንግሥት ባለሥልጣናት ስለ አርሲው ክስተት ምንም አይነት ይፋዊ መግለጫ አልሰጡም።