Miseensotni barnootaa gaaffiin Itoophiyaan buufata doonii argachuu qabdu badhaadhina naannichaaf murteessaa dha jedhan

Miseensotni barnootaa fi qorattoonni gaaffiin Itoophiyaan buufata doonii ofii qabaachuu, guddina dinagdee fi jiraachuu biyyattii isa fuulduraatiif murteessaa akka ta'e dubbatan. Akka qorattoota kanatti, dhabuun buufata doonii baasii loojistikii guddaa waan uumuuf, oomishni biyyattii gabaa addunyaa irratti akka hin dorgomne taasisuu fi gatiin mi'a alaa galuu akka dabalu gochuun jireenya lammiilee irratti dhiibbaa geessisaa jira.

Qorattoonni kun carraaqqii mootummaan diippiloomaasii nagaa fi fayyadamummaa waloo irratti hundaa'ee biyyoota ollaa wajjin taasisaa jiru kan dinqisiifatan yoo ta'u, kunis badhaadhina naannichaatiif shoora olaanaa qaba jedhaniiru.