የግብጽ ተንታኝ የህዳሴው ግድብ በግብጽ ላይ ስጋት እንደማይፈጥር ገለጹ

የግብጽ ተንታኝ የህዳሴው ግድብ በግብጽ ላይ ምንም አይነት ስጋት እንደማይፈጥር እና የልማት ፕሮጀክት መሆኑን ገለጹ። ግብጽ የግድቡን ግንባታ ለማደናቀፍ መሞከሯ ስህተት እንደነበር ያመላከቱት ተንታኙ፣ አገራቸው ከኢትዮጵያ ጋር ስትራቴጂካዊ ግንኙነት መፍጠር እንዳለባት አሳስበዋል። ከቅኝ ግዛት ዘመን የመጡ እና ኢትዮጵያን እንደ ስጋት የሚመለከቱ አመለካከቶች ግንኙነታቸውን እንዳደከሙ ጠቅሰዋል። ተንታኙ ኢትዮጵያ ለግብጽ ያላት ወሳኝ ቦታ ታውቆ፣ በቅኝ ግዛት ዘመን የተደረጉ የውሃ ስምምነቶች በኢትዮጵያ ላይ ተፈጻሚ እንደማይሆኑ አስረድተዋል። ይልቁንም፣ ሁለቱ አገራት በጋራ ተጠቃሚነት ላይ የተመሠረተ አዲስ የውሃ አጠቃቀም ስምምነት ላይ እንዲደርሱ ጠይቀዋል።