የኢትዮጵያ ስልታዊ ሚናና ተጽዕኖ እያደገ መምጣቱን የውጭ ጉዳይ ተቋም ገለጸ

የኢትዮጵያ ብሔራዊ መከላከያ ኮሌጅ እና የውጭ ጉዳይ ተቋም በጋራ ባዘጋጁት የፖሊሲ ውይይት ላይ፣ የኢትዮጵያ ስልታዊ ሚና እና ቀጣናዊ ተጽዕኖ እያደገ መምጣቱ ተገለጸ። የውጭ ጉዳይ ተቋም ዋና ዳይሬክተር አብዲዋሳ እንዳሉት፣ አገራዊ አንድነትን በጋራ ተጠቃሚነትና መከባበር ላይ መመስረት አስፈላጊ ነው። ውስጣዊ ልዩነቶች በሰላማዊና በዴሞክራሲያዊ መንገድ ብቻ ሊፈቱ እንደሚገባ እና የውጭ ኃይሎችን በመጋበዝ የሚደረግ እንቅስቃሴ አገራዊ ጥቅም እንደማይኖረው አሳስበዋል።

በሌላ በኩል፣ የመከላከያ ዩኒቨርሲቲ ኮማንዳንት ሌተናል ጀነራል ደሳለኝ ተሾመ፣ የውይይቱ ዓላማ የአገሪቱን ብሔራዊ ጥቅም፣ ሉዓላዊነትና ቀጣናዊ ሚና ለመቃኘት መሆኑን ገልጸዋል። የባህር በር ማጣትን ስልታዊ ተጽዕኖ መመርመርና ውስጣዊ ችግሮችን በስልታዊ እይታ ማየት እንደሚያስፈልግ ተመልክቷል። መድረኩ በቀጣናዊ የጂኦፖሊቲክስ ሁኔታዎች፣ በኢትዮጵያ ስልታዊ አቋም እንዲሁም በኢትዮ-ኤርትራ ግንኙነት ላይ እንደሚመክር ተነግሯል።