ጠቅላይ ሚኒስትር ዐቢይ ከሞዛምቢክ ፕሬዚዳንት ጋር ተወያዩ

ጠቅላይ ሚኒስትር ዐቢይ አህመድ በባህር ዳር እየተካሄደ ባለው 12ኛው የጣና የፀጥታ ጉባኤ ላይ ለመሳተፍ ከመጡት የሞዛምቢክ ፕሬዚዳንት ጋር ተወያይተዋል። የሁለቱ ሀገራት መሪዎች በሁለትዮሽ ግንኙነት እና በጋራ ጥቅሞች ላይ ያተኮሩ ውይይቶችን አድርገዋል። የዘንድሮው የጣና ጉባኤ 'የሰላም መንገዶች በአፍሪካ፡ የኢኮኖሚ ሉዓላዊነት እና የጂኦፖለቲካዊ ለውጥ' በሚል መሪ ቃል እየተካሄደ ነው። በጉባኤው ላይ የአፍሪካ መሪዎች፣ የፖሊሲ አውጪዎች እና የፀጥታ ባለሙያዎች በጋራ ጉዳዮች ላይ ለመምከር ተሰብስበዋል። መድረኩ የአህጉሪቱን የፀጥታ እና የልማት ተግዳሮቶች ለመፍታት ያለመ ነው።