Itoophiyaa manneen jireenyaa miliyoona 1.5 ijaaruuf qophii ishee ibsite

Ayyaana Magaalota Addunyaa 2026 magaalaa Finfinneetti kabajame irratti, Ministeerri Misooma Magaalotaa fi Bu'uuraalee Misoomaa waggoota shanan dhufan keessatti manneen jireenyaa miliyoona 1.5 ijaaruuf karoorri qabame akka jiru mirkaneesseera. Ijaarsi kun ‘Urban Agenda Platform 2025–2030’ kan jedhamuun, Baankii Addunyaa fi UN-Habitat waliin ta'uun hojjetama. Mootummaan magaalota keenya jijjiiruuf, carraa hojii uumuu fi misooma waaraa mirkaneessuun akkasumas jijjiirama qilleensaa dandamachuu irratti xiyyeeffannaa akka kennu ibsameera. Itoophiyaan bara 2027 qophii COP32 irratti qilleensa keenya eeguu fi qulqullina magaaloootaa mirkaneessuu irratti akka hojjettu ibsameera. Bakka bu'oonni UN-Habitat yaadicha dinqisiifachuun, deeggarsa barbaachisu hunda akka godhan mirkaneessaniiru.