Biyyoonni kamiyyuu haroo Abbayyaa dhuunfachuu hin danda'an - Gorsa

Gorsaan bishaan ce'umsaa Geediyoon akka jedhanitti, biyyoonni kamiyyuu bishaan Abbayyaa dhuunfachuu akka hin dandeenye beeksisaniiru. Gorsichi komiin Masriin kaastu waliigaltee bara 1959 irratti kan hundaa'e ta'uu ibsanii, waliigalteen kun Itoophiyaa fi biyyoota laga Abbayyaa kaaniin kan hin fudhatamne ta'uu dubbataniiru. Hidhi haaromsaa Itoophiyaa bara 2025 guutummaatti hojiitti galuu isaa kan ibsan Geediyoon, hidhichi biyyoota gadi-aanaa irratti miidhaa akka hin qabne, akkasumas lolaa to'achuu keessatti gahee olaanaa akka qabu ibsaniiru. Itoophiyaan seera idil-addunyaa bu'uura godhachuun qabeenya ishee misoomsuuf mirga qabaachuu ishee yaadachiisuun, waliigalteen qindoominaa (CFA) walitti dhufeenya naannichaaf murteessaa ta'uu ibsaniiru.