የእስራኤል የውሃ ባለሙያ ኢትዮጵያ የግብርና ሃያል ሀገር የመሆን አቅም እንዳላት ገለጹ

የውሃ ፈጠራ ማህበረሰብ 'WaterEdge.IL' ዳይሬክተር ራቪድ ሌቪ፣ ኢትዮጵያ የውሃ ሃብቷን እና መሰረተ ልማቷን በአግባቡ ከተጠቀመች የግብርና ሃያል ሀገር የመሆን አቅም እንዳላት ገለጹ። በኢትዮጵያ የውሃና ኢነርጂ ሳምንት ላይ የተገኙት ሌቪ፣ ሀገሪቱ በሃይድሮ ፓወር እና በመሰረተ ልማት ላይ የምታደርገው ኢንቨስትመንት ለግብርና እድገት ቁልፍ እንደሆነ አጽንኦት ሰጥተዋል።

ባለሙያው አክለውም ኢትዮጵያ እና እስራኤል በውሃ አስተዳደር፣ በቴክኖሎጂ ሽግግር እና በምርምር ዘርፎች የጋራ ትብብር ማድረግ እንደሚችሉ ጠቁመዋል። በተለይም ዘመናዊ የውሃ መለኪያ እና ቁጥጥር ቴክኖሎጂዎችን በመጠቀም የውሃ ብክነትን መቀነስ እና የአገልግሎት አሰጣጥን ማሻሻል እንደሚቻል ገልጸዋል። ይህ ትብብር በሁለቱ ሀገራት ዩኒቨርሲቲዎች እና የግል ኩባንያዎች መካከል በጋራ ምርምር እና ቴክኖሎጂ ሽግግር ሊጠናከር እንደሚገባም አስታውቀዋል።