ተመድ ደመቀ መኮንንን የዓለም አቀፍ የሥነ-ምግብ አመራር ቡድን አባል አድርጎ ሾመ
የተባበሩት መንግሥታት ድርጅት ዋና ጸሐፊ አንቶኒዮ ጉቴሬዝ የቀድሞውን የኢትዮጵያ ምክትል ጠቅላይ ሚኒስትር እና የያዳም ፋውንዴሽን መሥራችና ሊቀመንበር ደመቀ መኮንንን የስኬሊንግ አፕ ኒውትሪሽን (SUN) ንቅናቄ መሪ ቡድን አባል አድርገው ሾመዋል። ሹመቱ ከኖቬምበር 1 ቀን 2026 ጀምሮ እስከ ዲሴምበር 31 ቀን 2028 ድረስ የሚቆይ መሆኑን የዋና ጸሐፊው የሹመት ደብዳቤ ያመለክታል።
የSUN ንቅናቄ መሪ ቡድን ለ67 አባል አገራትና ለአራት የሕንድ ግዛቶች ብሔራዊ የሥነ-ምግብ ቅድሚያ የሚሰጣቸውን ጉዳዮች ለማሳካት ስትራቴጂካዊ አመራርና ክትትል ይሰጣል። ጉቴሬዝ በደብዳቤያቸው ሹመቱ ንቅናቄው የ2026-2030 የSUN 4.0 ስትራቴጂካዊ ማዕቀፍን መተግበር በሚጀምርበት ወቅት መሆኑን ጠቅሰው፣ ግጭትና የአየር ንብረት ጫናዎች በምግብ ዋስትና ላይ ጫና እያሳደሩ ባሉበት ወቅት የደመቀ መኮንን ልምድና አመራር ለቡድኑ ሥራ አስተዋጽኦ እንደሚኖረው እምነታቸውን ገልጸዋል።
Full story: ENA
ENA
Tikvah Ethiopia · 22 Nov 2026
Capital Ethiopia · 21 Nov 2026
DW Amharic · 21 Nov 2026