Miseensonni Garee Guyyaa Irreechaa Reebicha Raawwatan Isaan Kam Barame

Odeeffannoo baheen, namoota guyyaa Irreecha Finfinnee irratti ijoollee reebaa turan keessaa muraasni eenyummaan isaanii saaxilameera. Gareen kun bakka lamatti qooduun tuuta odeeffannoofi sirbaa jechuun ijaaramee kan bobba'e dha. Namoota reebicha kana irratti hirmaatan keessaa Kiisaa Biqilaa dhalataa aanaa Ilfataatiifi konkolaachisaa mootummaati. Kan biraa Alamuu Baqqalaa magaalaa Shaggar Kattaa Buraayyuutti eegduu kilinika dhuunfaafi hojjetaa parking ta'ee kan hojjetuudha. Warri uffataan fuula hidhatan irra caalaan aanaa Dandii (Giincii) irraa kan dhufan dhihaatan yoo ta'u, garee kana kan hoogganaa ture Abarraa Baqqalaa Dhinsaa (Karrayyuu) jedhama. Gareen kun godinaalee adda addaa irraa walitti kuufamee kan ijaarame ta'uu dhihaateera. Hojiin nageenya eeguu kan poolisiifi qaamolee nageenyaa waan ta'eef, gareen kun gara fuulduraatti ukkaamsaa, ajjeechaa, saamichaafi gudeeddii akka hin raawwanneef hawaasni namoota kana irratti heeruu akka kennu waamichi taasifameera.