Seenaa loltoota Waraana Bilisummaa Oromoo jalqabaa

Manguddoon Mahammud Bookee jedhaman, miseensa loltoota Waraana Bilisummaa Oromoo jalqabaa 36 keessaa tokko ta'uu isaanii ibsu. Leenjii waraanaa Aden, Yamanitti argatan irratti hirmaachuu isaanii dubbatu. Ajajaan hogganoonni isaanii yeroo sana Elemoo Qilxuufi Jaarraa Abbaa Gadaa turan. Manguddichi ganna 55 dura leenjii irratti Isaayyas Afawarqiin wajjin wal arguufi haasa'uu isaanii yaadatu. Seenaa kana kan qoodaniifis, waa'ee hundee qabsoo sanaa dhaloota haaraaf ibsuufi.