የጅማ ዩኒቨርሲቲ ተማሪዎች በካፊቴሪያ አገልግሎት ላይ ችግር ገጠመን አሉ።

የጅማ ዩኒቨርሲቲ ተማሪዎች በመታወቂያ ካርድ (ID) ቅኝት ስርአት ችግር ምክንያት ለሁለት ቀናት ያህል ከካፊቴሪያ አገልግሎት እንደታገዱ ቅሬታቸውን አሰምተዋል። ተማሪዎቹ እንደገለጹት፣ ያሉትን መታወቂያ ካርድ ሲስተሙ እየተቀበላቸው አለመሆኑን እና አዲስ ካርድ ለማውጣትም 700 ብር እንደተጠየቁ ገልጸዋል። የአስተዳደር ቢሮ ሰራተኞች ለጥያቄያቸው በአግባቡ ምላሽ እየሰጡ እንዳልሆነ እና በሂደቱ ላይ መዘግየት እንዳለ በመግለጽ ጉዳዩን ለሚመለከታቸው አካላት ለማድረስ እርዳታ ጠይቀዋል። የዩኒቨርሲቲው አስተዳደር በጉዳዩ ላይ እስካሁን በይፋ የሰጠው ምላሽ የለም።