Poolisii Nageellee Arsii Fayyisaa Damisee irratti himannaan yakkaa dhiyaate

Poolisiin maqaan isaa Fayyisaa Damisee jedhamu, kan magaala Nageellee Arsii tajaajilaa ture, gudeeddii, malaammaltummaa fi ajjeechaa dabalatee yakka gurguddaa hojjateera jedhamee himatame. Namoonni eeruu kennan akka jedhanitti, poolisiin kun aanaa Adaamii Tulluu keessatti nama tokko irraa qarshii 100,000 fudhateera. Kana malees, darbee aanaa Adaabbaatti mucaa umrii 12 ajjeeseera jedhamee himatamee, boodarra gara Nageellee Arsiitti jijjiiramee hojjachaa ture. Hawaasni poolisichi hojii irraa kaafamuun isaa qofti gahaa miti jedhanii, seeratti dhiyaatee adabamuu akka qabu gaafataniiru.