የመከላከያ ኢንጂነሪንግ ለክልሎች የጦር መሳሪያ ስለማቅረቡ የተሰጠ ማብራሪያ

በማህበራዊ ሚዲያ የተሰራጨው የኢትዮጵያ መከላከያ ኢንጂነሪንግ ኢንዱስትሪ ለኦሮሚያ ሚሊሻ ቢሮ የጦር መሳሪያ ሲሸጥ የሚያሳይ ደብዳቤ ውዝግብ አስነስቷል። ተጠቃሚዎች ይህንን ድርጊት ለኦሮሚያ የተደረገ ልዩ ዝግጅት አድርገው በማቅረብ ላይ ናቸው። ነገር ግን፣ ሁሉም የክልል መንግስታት እና የከተማ አስተዳደሮች ለሚሊሻ እና ለፖሊስ ሰራዊታቸው የሚሆን የጦር መሳሪያ ከመከላከያ ሚኒስቴር መግዛታቸው የተለመደ አሰራር መሆኑ ተገልጿል። ይህ አሰራር ከኢህአዴግ ዘመን ጀምሮ የቆየ እንጂ አዲስ ክስተት እንዳልሆነ የደረሰው መረጃ ያመለክታል።