ፕሬዚዳንት ፑቲን የኢትዮጵያን ምርቶች በምሳሌነት አነሱ

በሩሲያ–አፍሪካ ጉባኤ ላይ ንግግር ያደረጉት የሩሲያው ፕሬዚዳንት ቭላድሚር ፑቲን፣ የዲጂታል ንግድ ቴክኖሎጂ ለአፍሪካ አምራቾች ያለውን ጠቀሜታ ሲያብራሩ ኢትዮጵያን በምሳሌነት ጠቅሰዋል። ፕሬዚዳንቱ እንደ Wildberries ያሉ የኢንተርኔት የንግድ መድረኮች በኢትዮጵያ ገጠር የሚመረቱ የግብርና ውጤቶች እና ቡናን ጨምሮ የተለያዩ ምርቶች እስከ ሞስኮ ገበያ ድረስ ሊደርሱ እንደሚችሉ ተናግረዋል። ይህ የዲጂታል አሰራር የኢትዮጵያ አርሶ አደሮች እና አነስተኛ አምራቾች ምርቶቻቸውን ለዓለም አቀፍ ገበያ እንዲያቀርቡ የሚያስችል ሰፊ እድል እንደሚፈጥር ታምኖበታል። የፑቲን ንግግር የቴክኖሎጂ አጠቃቀም ለሀገሪቱ የወጪ ንግድ ዘርፍ ያለውን ፋይዳ ያሳያል።