የታክሲ ተቆጣጣሪ መስሎ ሴት አሽከርካሪን በሽጉጥ ሊያግት የሞከረ ግለሰብ ተያዘ

በአዲስ አበባ ኮልፌ ቀራንዮ ክፍለ ከተማ አንፎ ኬላ አካባቢ የትራንስፖርት ተቆጣጣሪ በመምሰል ሴት አሽከርካሪን በሽጉጥ ለማገት የሞከረ ግለሰብ በቁጥጥር ስር ውሏል። ተጠርጣሪው ተገኝ መውደድ የተባለ ግለሰብ፣ ተጎጂዋን በሽጉጥ እያስፈራራ ሳለ የአካባቢውን ፖሊስ በመጥራት ድረሱልኝ ስትል ሊያመልጥ ሲሞክር ተይዟል። በአዲስ አበባ ፖሊስ መረጃ መሰረት፣ ተጠርጣሪው አንድ ሽጉጥ፣ 14 ጥይቶች፣ ሳንጃ እና የተሰረቁ የኤሌክትሪክ ገመዶችን ይዞ ተገኝቷል። ፖሊስ ህብረተሰቡ አጠራጣሪ ሁኔታዎች ሲያጋጥሙ መታወቂያ በመጠየቅ ጥንቃቄ እንዲያደርግ አሳስቧል።