ኢትዮጵያ በዓለም አቀፍ ደረጃ በንግድ አገልግሎት ኤክስፖርት ቀዳሚ ሆነች

በዓለም የንግድ ድርጅት (WTO) እና በኢኮኖሚ ትብብርና ልማት ድርጅት (OECD) የወጣ አዲስ ሪፖርት እንዳመለከተው፣ ኢትዮጵያ በዓለም ላይ በዝቅተኛ የኢኮኖሚ ደረጃ ላይ ከሚገኙ አገራት (LDCs) መካከል ትልቋ የንግድ አገልግሎት ላኪ ሆናለች። በ2024 የሪፖርቱ መረጃ መሠረት፣ ኢትዮጵያ ከእነዚህ አገራት አጠቃላይ የንግድ አገልግሎት ኤክስፖርት ውስጥ 17 በመቶውን ድርሻ ይዛለች። ይህ ውጤት ኢትዮጵያ በዘርፉ ያስመዘገበችውን ፈጣን እድገት የሚያሳይ ነው። ቀደም ሲል በዘርፉ ቀዳሚ የነበረችውን ታንዛኒያን በመብለጥ ኢትዮጵያ አዲስ ምዕራፍ ላይ ደርሳለች።