Ayyaanni Irreecha Hora Finfinnee nagaan xumurame

Ayyaanni Irreechaa Hora Finfinnee bara kanaa nagaan xumuramuu bulchiinsi magaalaa Finfinnee beeksiseera. Kantiibaan magaalaa Finfinnee Aadde Adaanech Abeebee akka ibsanitti, ayyaanni kun duudhaa aadaa isaa eeggatee nagaa, gammachuu fi miidhagina guddaan kabajamee ooleera. Kantiibittiin, Irreechaan ayyaana galataa, nagaa, jaalalaa fi tokkummaa akka ta'e ibsuun, ayyaanni kun duudhaalee waltummaa fi wal-obsuu keenya kan ibsu guddaa akka ta'e dubbataniiru. Ayyaanni kun nagaan akka xumuramuuf qooda kan fudhatan jiraattota magaalaa Finfinnee, Abbootii Gadaa, Haadha Siinqee, qondaaltotaa fi qaamolee nageenyaaf galata dhiyeessaniiru.