የመቐለ የቴሌኮም አገልግሎት ተመለሰ፤ በከተማዋ የሰላም ማስከበር ስራ እየተከናወነ ነው

ለ10 ቀናት ተቋርጦ የነበረው የመቐለ የሞባይል እና የኢንተርኔት አገልግሎት ዛሬ መስከረም 24 ቀን 2019 ዓ.ም ወደ ስራ መመለሱ ተገልጿል። አገልግሎቱ መጀመሩን ተከትሎ ለሳምንታት ተለያይተው የነበሩ ቤተሰቦች ግንኙነት መጀመራቸውን መረጃዎች ያመለክታሉ።

በተመሳሳይ የመቐለ 104.4 ኤፍ ኤም ሬድዮ ጣቢያ በትግራይ የሰላም ኃይል ቁጥጥር ስር ውሎ ለህዝብ ማረጋጋት መልእክቶችን እያስተላለፈ ይገኛል። ቅዳሜ መስከረም 23 ቀን 2019 ዓ.ም ከተማዋን የተቆጣጠሩት የሀገር መከላከያ ሰራዊት እና የትግራይ የሰላም ኃይል በከተማዋ ዘረፋ የሚፈጽሙ ግለሰቦችን በቁጥጥር ስር በማዋል ሰላም የማስከበር ስራ እየሰሩ መሆናቸው ተነግሯል።