Ministeerri Barnootaa Qabxii Seensa Koolleejjii Barsiisotaa Bara 2019 Xiyyeeffannoon Beeksise

Ministeerri Barnootaa barattoota bara 2018 qormaata bioolessaa kutaa 12ffaa fudhataniif qabxii seensa koolleejjii leenjii barsiisotaa bara 2019 ifa godheera. Ministeerichi xalayaa waajjiraalee barnoota naannolee fi bulchiinsa magaalaaf barreessaniin qabxiin kun haala qabatamaa naannolee fi bu'aa qormaataa irratti hundaa'uun murtaa'uu ibseera. Akkaatuma kanaan sagantaa Diploomaatiif (12+2) dhiiraaf qabxii 215 fi isaa ol, dubartootaaf 205 fi isaa ol ta'uun murtaa'eera. Naannolee Afaar, Sumaalee, Banishangul Gumuz, Gaambellaa, naannawwa horsiisee bulaa fi barattoota qaama miidhamatootaaf qabxiin seensa 185 kan murtaa'e pan ta'u, barattoota jaamaa ta'aniif 150 ta'uun ibsameera. Sagantaa Sartifiketiif (12+1) dhiiraaf 210, dubartootaaf 195, akkasumas naannolee guddinni isaanii duubatti hafeef 180 ta'uun murtaa'eera. Qabxiin kun dorgommii bara 2019 qofaaf kan tajaajilu ta'uus ministeerichi beeksiseera.