Mummichi Ministeeraa Abiy Ahimad karaa marii fi araaraa hordofuu isaanii beeksisan

Mummichi Ministeeraa Itoophiyaa Dr. Abiy Ahimad mootummaan isaanii biyyattii keessatti nagaa waaraa mirkaneessuuf karaa marii fi araaraa akka hordofu beeksisan. Mummichi Ministeeraa kun qaamolee bosona jiran gara nagaatti akka deebi'an waamicha dhiyeessaniiru. Akkasumas qaamolee yaadaa garaa garaa qaban hafuura araaraan biyya ijaaruu irratti hirmaachuuf akka yaadan gorsaniiru. Gama biraatiin mootummaan nageenya biyyattii eeguuf qophii fi to'annoo nageenyaa cimaa akka taasisu mirkaneessaniiru. Ibsi kun Fulbaana 25, 2019 A.L.I. kan kenname dha.