Dubbi himtuun duraanii mana maree naannoo Sidaamaa fuulli feesbuukii ishee butamuu ibsan

Dubbi himtuun duraanii mana maree naannoo Sidaamaa Aadde Fantayee Kabadaa, fuula feesbuukii isaanirratti gadi dhiifame kan jedhame gadi dhiifannoon sobaafi fuulli feesbuukii isanii butamee akka ta'e ibsan. Aadde Fantayee jijjiirraa hogganaa naannoo Sidaamaa dhiheenya kana taasifameen aangoo gadhiisaniiru; jijjiirrachaa irrattis komiin akka hinqabne dubbataniiru. Gama biraatiin, jiraattonniifi yaada kennitoonni naannichaa, mootummaan duraanii kun rakkoolee misoomaaafi mirga namoomaa irratti gaafatama akka fudhatu gaafachaa jiru. Amma naannichi hogganaa haaraatiin hoogganamaa kan jiru yoo ta'u, Doktar Masay Hayiluu pirezidaantii naannichaa ta'anii muudamaniiru. Pirezidaantiin duraanii obbo Dastaa Ladaamoo gara mootummaa federaalaatti jijjiirramanii itti aanaa dubbi himaa mana maree federeeshinii ta'anii muudamaniiru.