Muudama 'Hoogganaa Damee Hordoffii Delivery' fi Ibsa Gahee Hojii Isaa

Diyaqon Daani'el Kibirat waajjiira Muummicha Ministeeraatti qabaataa sadarkaa Ministeeraatti 'Hoogganaa Damee Hordoffii Delivery' ta'anii muudamaniiru. Qoodni hojii kun imaammatawwan gurguddoo mootummaan baase, karoorawwan tarsiimawaa fi pirojektiiwwan gurguddoo raawwatamuu isaanii hordofuu, safaruu fi bu'a qabeessummaa isaa mirkaneessuu dha. Namni muudaman kun kallattiin waajjiira Muummicha Ministeeraa waliin hojjachuun, rakkoowwan raawwii hojii irratti mul'atan adda baasuun hiikaa ni dhiyeessu.

Muuxannoo addunyaa irratti 'Delivery Unit' jedhamee kan beekamu adeemsi kun, biyyoota akka UK, Maleeziyaa fi Ruwaandaa keessatti bu'a qabeessa ta'eera. Muudamichi sadarkaa Ministeeraa kan qabu ta'us, miseensa Mana Maree Ministeerotaa miti. Kaayyoon guddaan damee kanaa karoorawwan mootummaa yeroo qabameef keessatti fi qulqullina barbaadamuun akka raawwataman mirkaneessuu dha.