Ramaddii barattoota yuniversitiiwwan naannoo Tigraayi xumurame

Ministeerri barnootaa rakkoo iddoo ramaddii barattoota yuniversitiiwwan naannoo Tigraayii duraanii irratti ka'e qulqulleessee xumuruusaa ibseera. Barattoonni iddoo ramaddiisaanii marsariitii https://student.ethernet.edu.et/university-transfer/ irraa mirkaneeffachuu danda'u. Barattoonni haaraas ramaddiisaanii marsariitii biroo kanaan ilaallachuu danda'u.

Ministeerichi akka ibsetti, haalli yeroo ammaa fooyya'aa waan jiruuf, barattoonni yuniversitiiwwan naannoo Tigraayitti barnootasaanii itti fufuu barbaadan (kanneen yeroof bakka biraatti ramadaman dabalatee) beeksisawwan waamicha yuniversitiiwwanii hordofuun gara yuniversitii duraaniitti deebi'uu danda'u. Ramaddiin jijjiiramuu waan danda'uuf, barattoonni gara yuniversitiitti utuu hin deemin dura odeeffannoosaanii mirkaneeffachuu qabu.