Imaltoonni 139 ta'an qarqara galaana Jibuutitti du'an

Dooniin namoota 350 oliin fe'atte qarqara galaana Jibuutitti gombifamteen lubbuun namoota 139 darbeera. Miidhaa kana keessatti ijoolleen 15 du'uun mirkanaa'eera. Namoonni 82 ooluu danda'aniiru, namoonni 84 ammoo amma ammaatti bakki bu'an hin beekamu. Namoonni oolan hundi lammiilee Itoophiyaa ta'uun gabaasameera. Dhaabbanni Godaantotaa Idil-addunyaa (IOM) akka beeksisetti, namoonni kun gara Yamanitti imaluuf yaalaa turan. Bara 2025 qofa keessa godaantotni 900 ol imala kana irratti lubbuu dhabaniiru.