የዓለም ጤና ድርጅት በሰሜን ኢትዮጵያ ከ71 ሜትሪክ ቶን በላይ የሕክምና ድጋፍ አደረሰ

የዓለም ጤና ድርጅት (WHO) በሰሜን ኢትዮጵያ በግጭት ለተጎዱ አካባቢዎች ከ71 ሜትሪክ ቶን በላይ የሚመዝን መድኃኒትና የሕክምና ቁሳቁስ ድጋፍ ማድረጉን አስታውቋል። የሕክምና ቁሳቁሶቹ በትግራይ፣ በአፋር እና በአማራ ክልሎች በሚገኙ 49 የጤና ተቋማት የሚከፋፈሉ ናቸው። ድጋፉ የተከናወነው በተባበሩት መንግሥታት ድርጅት የተቀናጀ የተሽከርካሪ ኮንቮይ አማካኝነት ነው። የዚህ የሕይወት አድን ድጋፍ እንቅስቃሴ የገንዘብ ድጋፍ የተገኘው ከአውሮፓ ህብረት የሲቪል ጥበቃና ሰብዓዊ እርዳታ ዋና መምሪያ (EU ECHO) እና ከተባበሩት መንግሥታት የሰብዓዊ ጉዳዮች ማስተባበሪያ ጽ/ቤት መሆኑ ተገልጿል።