አቶ ጌታቸው ረዳ በትግራይ ወቅታዊ ሁኔታ ላይ ከዲያስፖራ ጋር ተወያዩ

የኢፌዴሪ ጠቅላይ ሚኒስትር የምስራቅ አፍሪካ ጉዳዮች አማካሪ ሚኒስትር አቶ ጌታቸው ረዳ፣ ከትግራይ ዲያስፖራና ከኤርትራ ለውጥ ፈላጊዎች ጋር በነበራቸው ውይይት፣ የክልሉን ወቅታዊ የጸጥታ ሁኔታና የፌዴራል መንግሥት እቅዶችን አብራርተዋል። በውይይታቸው የህወሓት አመራር ለፕሪቶሪያ የሰላም ስምምነት አፈጻጸም እንቅፋት መሆኑንና ጠቅላይ ሚኒስትሩ ጦርነትን ለማስቀረት የነበራቸውን ጥረት አውስተዋል። አቶ ጌታቸው፣ የህወሓት ታጣቂዎች በንጹሃን ላይ ጥቃት እየፈጸሙ መሆኑን በመጥቀስ፣ መንግሥት የተረጋጋ አስተዳደር ለመፍጠር ባለአደራ አስተዳደር ማቋቋሙን ገልጸዋል። ከግማሽ በላይ የህወሓት ማዕከላዊ ኮሚቴ አባላት መቐለና አካባቢዋ በክትትል ሥር እንደሚገኙ እንዲሁም አንዳንዶቹ ወደ አዲስ አበባ መግባታቸውን ጠቁመዋል። ኢትዮጵያ ኤርትራን የመውረር ዓላማ እንደሌላትም አስገንዝበዋል።