Kaffaltiin imala hajjii baranaa qarshii 827,000 ta'eera

Manni Maree Dhimmoota Islaamummaa Itoophiyaa kaffaltii imala hajjii bara kanaa ifa godheera. Kaffaltiin guutuu imala hajjii qarshii 827,000 ta'ee murtaa'eera. Galmee hajjii Kamisa dhufu, Onkoloolessa 12, 2019, buufataalee qindeessituu 33 biyyattii keessatti argamanitti akka jalqabu manni maree kun beeksiseera.

Adeemsi galmee hajjii baranaa yeroo murtaa'eef erga gaggeeffamee booda Amajjii 10, 2019 akka xumuramu eegama. Namoonni imala kana gochuuf fedhii qaban yeroo kaa'ame keessatti buufataalee manni maree qopheessetti argamuun galmaa'uu qabu.