Bulchiinsi magaalaa Adigraat haaraan filatame

Jiraattonni magaalaa Adigraat bulchiinsa magaalaa haaraa ji'a jahaaf tajaajilu filataniiru. Injinar Nagaasi Tawoldee kantiibaa magaalaa ta'anii filatamaniiru. Gabra'igzi'aabiher Aragawii kantiibaa ittaanaa ta'anii yeroo filataman, Ermiyaas Aragawii itti gaafatamaa dhimma hawaasummaa, Teediroos Kaahsaay itti gaafatamaa mana qopheessaa akkasumas Ababa Suymu itti gaafatamtuu faayinaansii ta'anii filatamaniiru. Bulchiinsi haaraan kun yeroo gabaabaaf filatamee hojii bulchiinsa magaalaa kan geggeessu ta'a.