ፋዌ ኢትዮጵያ ለወጣቶች የትምህርት እድል ድጋፍ አወጀ

ፋዌ ኢትዮጵያ ከማስተርካርድ ፋውንዴሽን ጋር በመተባበር እድሜያቸው ከ15 እስከ 25 ለሆኑ ወጣቶች የከፍተኛ ትምህርት የድጋፍ እድል ከፈተ። እድሉ በዋናነት ኢኮኖሚያዊ ችግር ላለባቸው፣ ለአካል ጉዳተኞች፣ ለተፈናቃዮች እና ለስደተኞች ታሳቢ የተደረገ ነው። ድጋፉ በሳይንስ፣ ቴክኖሎጂ፣ ምህንድስና እና ተዛማጅ የትምህርት ዘርፎች (STEM) ደረጃ 4 እና 5 ስልጠናዎችን የሚሰጥ ሲሆን፤ በአዲስ አበባ፣ አዳማ፣ ሀዋሳ እና ባህር ዳር በሚገኙ ፖሊ ቴክኒክ ኮሌጆች ይተገበራል። አመልካቾች ከጥቅምት 12 እስከ 17 ቀን 2018 ዓ.ም ማመልከት ይችላሉ። የምዝገባ እና የመምረጥ ሂደቱ ከማንኛውም ክፍያ ነፃ እንደሆነ ተገልጿል።