የኩላሊት ሕመም፡ በኢትዮጵያ ስጋት እየሆነ የመጣው "ስውር ገዳይ"

በኢትዮጵያ የኩላሊት ሕመም ምልክት ሳያሳይ የሚስፋፋ "ስውር ገዳይ" በመሆኑ የማኅበረሰብ ግንዛቤው ዝቅተኛ እንደሆነ በፓናሲያ ሆስፒታል የውስጥ ደዌ እና የኩላሊት ስፔሻሊስት ዶክተር ትዕግስት ተስፋዬ ገለጹ። ሕመሙ ከ90 በመቶ በላይ ጉዳት ሳያደርስ ምልክት የማያሳይ በመሆኑ ታካሚዎች ወደ ሕክምና የሚመጡት ደረጃው ካለፈ በኋላ ነው። በሐዋሳ የሚገኙ የኩላሊት ሕክምና ማዕከላት ከ20 ሚሊዮን በላይ ለሚሆኑ የደቡብ እና መካከለኛው ኢትዮጵያ ነዋሪዎች አገልግሎት የሚሰጡ በመሆናቸው እጅግ ከፍተኛ የሆነ የታካሚ መጨናነቅ እንዳለ ተጠቅሷል። በአገሪቱ የዕጥበት (Dialysis) አገልግሎት አቅርቦት በቂ አለመሆኑንም ባለሙያዋ አስታውቀዋል።

ለበሽታው ተጋላጭ የሆኑ ሰዎች በተለይም የስኳር እና የደም ግፊት ያላቸው ግለሰቦች በየጊዜው ምርመራ እንዲያደርጉ ተመክሯል። በተጨማሪም ጤናማ የአመጋገብ ስርዓት መከተል፣ የሰውነት ክብደትን መቆጣጠር፣ እና ያለ ሐኪም ትእዛዝ የሚወሰዱ መድኃኒቶችን አለመውሰድ የመከላከያ መንገዶች ናቸው። ማንኛውም ሰው ምልክት እስኪታይ ሳይጠብቅ ጤንነቱን በየጊዜው መከታተል እንዳለበት ባለሙያዋ አሳስበዋል።