Makiinaa ummataa fi konkolaataa fe'aa gidduutti balaa qaqqabeen namoonni sadii du'an

Ganama har'a magaalaa Adaamaa seenutti, baasii ummataa gara Maqaleetti imalaa tureefi konkolaataan fe'aa walitti bu'uudhaan balaan tiraafikaa qaqqabeera. Balaa kanaan, ogeessi konkolaachisaa baasichaa fi gargaartuun isaa dabalatee namoonni sadii battaluma du'aniiru. Namoonni balaa kanaan miidhaman gara dhaabbilee fayyaatti ergamee yaalamaa jiru. Akka abbaan konkolaataa tokko ibsetti, baasichi ariitiin guddaadhaan deemaa ture. Poolisiin tiraafikaa iddoo balaan itti qaqqabe ga'uudhaan qorannoo eegaleera. Balaan kun ganama sa'aatii 12:15 irratti qaqqabe.