የአቶ ዮሐንስ ቧያሌው እና የጋዜጠኛ ዳዊት በጋሻው የፍርድ ቤት ውሎ

የፌዴራል ከፍተኛ ፍርድ ቤት በእስር ላይ በሚገኙት አቶ ዮሐንስ ቧያሌው እና ጋዜጠኛ ዳዊት በጋሻው ጉዳይ ላይ ብይን ሰጥቷል። ፍርድ ቤቱ ጋዜጠኛ ዳዊት በጋሻው ሰብዓዊ መብቱ ወደሚከበርበት ወደ አባ ሳሙኤል ማረሚያ ቤት እንዲዛወር ትዕዛዝ የሰጠ ሲሆን ጋዜጠኛውም ይህንን አማራጭ ተቀብሏል። በሌላ በኩል የሰብዓዊ መብቶች ኮሚሽን በአቶ ዮሐንስ ቧያሌው ጉዳይ ላይ የጠየቀውን የ15 ቀን ተጨማሪ የምርመራ ጊዜ ፍርድ ቤቱ ውድቅ አድርጓል። ፍርድ ቤቱ ዐቃቤ ሕግ ጉዳዩን አጣርቶ በሚቀጥለው ማክሰኞ ሪፖርት እንዲያቀርብ ትዕዛዝ ሰጥቷል። አቶ ዮሐንስ በበኩላቸው በጨለማና ብርሃን በሌለበት ጠባብ ቦታ እንደሚገኙ እንዲሁም የጤና እክል እንዳለባቸው ለችሎት አስረድተዋል።