የትግራይ ክልል ጊዜያዊ አስተዳደር የመሬት ዝውውርና የኢንቨስትመንት ፈቃድ አሰጣጥን አገደ

የትግራይ ክልል ጊዜያዊ አስተዳደር በክልሉ በሥራ አመራር፣ በመሬት እና በማዕድን ዘርፎች የታዩ ብልሹ አሰራሮችን ለመመርመር ውሳኔ አሳለፈ። አስተዳደሩ ባወጣው መመሪያ መሠረት የመሬት ዝውውር እና አዲስ የኢንቨስትመንት ፈቃድ አሰጣጥ ላልተወሰነ ጊዜ ታግዷል። እርምጃው በዘርፎቹ ውስጥ የሚታዩ የተዛቡ አሰራሮችን ለማጣራትና ለማስተካከል ያለመ እንደሆነ ተገልጿል። ይህ ውሳኔ ከጥቅምት 14 ቀን 2017 ዓ.ም ጀምሮ ተግባራዊ እንዲሆን ታዟል። በቀጣይ በዘርፉ ያሉ ችግሮች ተለይተው እስከሚፈቱ ድረስ እገዳው እንደሚቀጥል ይጠበቃል።