Moyale keessatti walitti bu'iinsi guyyaa sadaffaaf itti fufe jiraattoota balaaf saaxile

Magaalaa Moyyalee keessatti walitti bu'iinsi ka'e guyyaa sadaffaaf itti fufee jira. Jiraattoonni magaalaan sun dhukaasa cimaa keessa akka jirtu ibsanii, mootummaan akka gidduu galu gaafatanis hanga amma furmaata akka hin arganne himaniiru. Walitti bu'iinsichaan lubbuun namaa darbuu, manni jireenyaa gubachuu fi dhaabbileen barnootaa miidhamuu isaanii jiraattoonni himaniiru. Tajaajilli bishaanii fi ibsaa addaan citee jiraachuun himameera. Kumaatamaan kan lakkaa'aman jiraattoonni gara Keeniyaatti baqachuun dunkaana keessa jiraachaa akka jiran gabaafameera.