የጋምቤላ ከተማ አስተዳደር ወደ መደበኛ እንቅስቃሴ እንዲመለሱ ጥሪ አቀረበ

የጋምቤላ ከተማ አስተዳደር በከተማዋ የነበረው የጸጥታ መደፍረስ መረጋጋቱን አስታውቋል። አስተዳደሩ ከጸጥታ አካላትና ከህብረተሰቡ ጋር በመተባበር በተደረገ ጥረት ከተማዋ ወደ ሰላማዊ እንቅስቃሴ መመለሷን ገልጿል። በዚህም ነዋሪዎች፣ የመንግስት ሰራተኞች እና ነጋዴዎች ያለምንም የጸጥታ ስጋት ወደ መደበኛ ስራቸው እንዲመለሱ ጥሪ ቀርቧል። ከቤት ንብረታቸው ተፈናቅለው የነበሩ ወገኖችም ወደ ቀያቸው በመመለስ አብሮ የመኖር እሴታቸውን እንዲቀጥሉ አስተዳደሩ አሳስቧል። በከተማዋ ቀደም ብሎ በተከሰተው ግጭት የዜጎች ህይወት ማለፉና መፈናቀል መከሰቱ ይታወሳል።