Magaalaa Asosaatti gabaan Arbii ibiddaan gubate

Magaalaa Asosaa naannoo Beenishaangul Gumuuzitti gabaa 'Arb Gebeya' jedhamutti halkan har'aa ibidda ka'een qabeenyarratti miidhaan ga'eera. Poolisiin magaalaa Asosaa akka ibsetti, ibidli kun halkan sa'aatii 3:00 irratti kan ka'e yoo ta'u, amma to'annoo jala ooleera. Poolisiin namarratti miidhaan akka hin geenye mirkaneesseera. Ta'us, gabaa kana keessa kan jiran suuqonni uffataafi meeshaalee garaagaraa miidhamaniiru. Ka'umsi ibiddaa hanga ammaa kan hin beekamne yoo ta'u, poolisiin sababii isaa qorachaa jira. Miidhaan waliigalaa qabeenyarratti ga'es qoratamaa jira.