ኢትዮጵያ በአፍሪካ ካይዘን አዋርድ ሁለት ኢንዱስትሪዎችን አስሸለመች

ኢትዮጵያ በሞሪሺየስ በተካሄደው የአፍሪካ ካይዘን አዋርድ-2026 ውድድር ሁለት ኢንዱስትሪዎችን አስሸለመች። ከ11 ሀገራት የተውጣጡ 31 ኢንዱስትሪዎች በተሳተፉበት በዚህ ውድድር፣ ኢትዮጵያ 6 ኢንዱስትሪዎችን አቅርባ ነበር። በዚህም መሰረት ኤልፎራ ሜልጌ አግሮ ፕሮሰሲንግ ፋብሪካ በላቀ የካይዘን አፈፃፀም "አውትስታንዲንግ" የተሰኘውን ደረጃ አግኝቷል። ዲንኬ ሆም ፈርኒቸር ኃ/የተ/የግ/ማህበር ደግሞ በከፍተኛ የትግበራ አፈፃፀም "ኤክሰለንት" ደረጃን በማስመዝገብ አሸናፊ ሆኗል።

ከእነዚህ በተጨማሪ ሸገር ዳቦና ዱቄት ፋብሪካ፣ በከልቻ ትራንስፖርት እና ሰላም ቴክኒክና ሙያ ኮሌጅ በውድድሩ ተሳታፊ በመሆን ሰርተፍኬት አግኝተዋል። የካይዘን ልህቀት ማዕከል ዋና ስራ አስኪያጅ ኢ/ር ምንዳዬ ይርጋ ለተሸላሚዎች እና ለተሳታፊዎች የእንኳን ደስ አላችሁ መግለጫ ሰጥተዋል።