Koreaan Kaabaa qormaata doonii fi misaa'elotaa geggeessuushee beeksiste

Midiyaaleen mootummaa Koreaa Kaabaa akka gabaasanitti, biyyattiin qormaata waraanaa dhiyeenya geggeessiteen dooniiwwan (drones) fi misaa'elota garagaraa qoruushee beeksiste. Hoji geggeessaan biyyattii Kim Jong Un, waraana ammayya keessatti tekinooloojii doonii fi 'artificial intelligence' (AI) murteessaa ta'uusaa ibsuun, misooma tekinooloojiiwwan kanaa akka ariifachiisan ajajaniiru.

Qormaata kanaan dooniiwwan of ajjeesanii fi misaa'eloonni lafatti darbataman ilaalamaniiru. Midiyaaleen biyyattii akka jedhutti, dooniiwwan fi misaa'elonni kunniin kaayyoo bishaan keessaatti ramadaman dhibbeentaa dhibba rukutuusaanii ibseera. Qormaati kun yeroo walitti dhufeenyi Koreaa Kaabaa fi Koreaa Kibbaa gidduu jiru hammaataa dhufeetti kan geggeeffame dha.