በድሬዳዋ በስርቆትና በከባድ ጉዳት የተፈረደበት ግለሰብ ተያዘ

በድሬዳዋ ከተማ በዘረፋና በከባድ የአካል ጉዳት ወንጀል ተከሶ በዋስ ተለቆ የነበረው ኡስማን ሙሳ በሌለበት የ20 ዓመት ጽኑ እስራት ከተፈረደበት በኋላ በቁጥጥር ስር ውሏል። ግለሰቡ ህዳር 12 ቀን 2015 ዓ.ም. በዳሎል ነዳጅ ማደያ ሠራተኞች ላይ ሚጥሚጣ በመርጨትና በስለት በመውጋት ከባድ ጉዳት በማድረስ ወንጀል ፈጽሞ ነበር። መጀመሪያ በቁጥጥር ስር ውሎ የነበረ ቢሆንም፣ ፍርድ ቤት በዋስ እንዲለቀቅ በመፍቀዱ ተከሳሹ ችሎት ሳይቀርብ በመቅረት ለሁለት ዓመታት ተሰወረ። የድሬዳዋ ፖሊስ ከማህበረሰቡ እና ከሚሊሻ ጋር በመተባበር ግለሰቡን በቁጥጥር ስር በማዋል ወደ ማረሚያ ቤት ልኮታል። የክሱ ክብደት ታይቶ በዋስ እንዴት ሊለቀቅ እንደቻለ ጥያቄዎችን አስነስቷል።