Biyoonni garagaraa lammiilee isaanii balaa tasaaf qophaa'uuf gorsaa jiru

Mootummoonni Britaniyaa, Jaappaan fi biyyoonni Awurooppaa hedduun lammiileen isaanii balaa tasaa yeroo mudatu, yoo xiqqaate sa'aatii 72f kan tajaajilu nyaata, bishaan fi meeshaalee barbaachisoo ta'an manatti akka qopha'u gorsaa jiru. Gorsi kun kan kenname, yoo waraanni, haleellaan saayibarii ykn balaan uumamaa mudatee tajaajiloonni bu'uuraalee misoomaa yoo addaan citan, maatiin of danda'anii jiraachuu akka danda'aniifidha. Abbootin taayitaa gorsichi balaa idil-addunyaa dhihoo kana mudatuuf akeekkachiisa miti; qajeelfamoota qophii yeroo dheeraa turan haaroysuu fi cimsuufi jedhaniiru. Gama biraatiin, Ministeerri Ittisaa Ameerikaa buufatni waraanaa isaa gargaarsa alaa malee guyyoota 90f akka hojjetan qophii taasisaa jiraachuun himameera; kunis kan xiyyeeffatu cimina dhaabbilee waraanaarratti malee uummata siiviiliirratti miti.