Sababa Fiigicha Guddicha Itoophiyaa 26ffaatiin Daandiiwwan Finfinnee Ni Cufamu
Poolisiin Waliigalaa Finfinnee sababa Fiigicha Guddicha Itoophiyaa yeroo 26ffaaf boru gaggeeffamuutiin daandiiwwan magaalaa Finfinnee hedduun konkolaataaf kan cufaman ta'uu beeksiseera. Fiigichi Addabaabayii Masqalaatti jalqabee achumatti xumuramu kun halkan keessaa sa'aatii 11:30 irraa eegalee hanga dorgommiin xumuramutti daandiiwwan cufamanii kan turan ta'a.
Daandiiwwan cufaman keessaa Addabaabayii Olompiyaa gara Masqalaa, Addabaabayii Xilaahun gara Ibsaa Saanjooseef, Ibsaa Gamtaa Afrikaa gara Meeksikoo, Ibsaa Paarlaamaa gara Konsan, akkasumas Addabaabayii Dubartootaa gara Kaazaanchiis kan geessan ni argamu. Dabalataanis Addabaabayii 22 gara Uraa'eel, Gaazeboo gara Danbal, Bataskaana Qirqoos gara Lagaahaar, Xiqur Anbassaa fi Golaa Qiddus Mikaa'eel gara Imigireeshinii, akkasumas Addabaabayii Teediroos gara Ibsaa Bulchiinsa Biyyaatti geessan kan cufaman ta'uu ibsameera.
Full story: Tikvah Ethiopia
Tikvah Ethiopia
Natnael Mekonnen
Capital Ethiopia · 21 Nov 2026
ENA · 21 Nov 2026
DW Amharic · 21 Nov 2026